Ekintzak

Bernaola Jaialdia

Bernaolazikloa20 21Aurten, berrikuntza gisa, Bernaola aurkeztu dugu 2020ko urritik 2021eko otsailera bitartean egingo den kontzertu ziklo gisa, ohi baino askoz ere denbora tarte zabalagoan. 15 kontzertu izango dira, sorkuntza berriko musika garaikideari eskainiak, eta horretarako bereziki sortutako lanen estreinaldi garrantzitsuekin. Euskal artistek protagonismo handia dute programazioan. Ibilbide luzeko taldeak ikusiko ditugu, hala nola Ensemble Kuraia. Gauza berriak ere bai, adibidez, nazioarteko proiekzio handiko artista gazteek osatutako AkarTia hirukotearen mundu mailako aurkezpena: Pascal Gaigne konpositore handiaren obra bat estreinatuko dute, zinemarako soinu banda bikainengatik oso ezaguna dena. ARTIUMen inprobisazioaren figura handiak ikusteko aukera izango dugu, esaterako, Phil Minton eta Isabelle Duthoit abeslariak eta Julyen Hamilton dantzaria, elkarrizketan Zuriñe Benavente eta Dzast Ahotsak abesbatza hemengo artistekin. Bernaolan ohikoa den bezala, ekoizpen propioak garrantzi handia du kontzertuen programazioan, besteak beste, Guridi Garaikidea “Jesus Guridi” kontserbatorioko ikasleekin; Akusma, musika elektroakustikoari eskainia; AmetsOlak, txalaparta protagonista hartuta; eta Ensemble Sinkro, Gasteizko konpositoreen estreinaldiekin eta Sofia Martinezi eskainitako CD berriaren aurkezpena.

Konstituzio Plaza, 9   |   01009 Vitoria-Gasteiz (Araba)   |   945 28 24 00   |   Helbide elektroniko hau spam roboten kontra babestuta dago. JavaScript aktibatuta eduki behar duzu hau ikusteko.

Logotipo Gobierno Vasco